තරුණකල මට දිනක
පොතක් කියවීමට සිත්විය……
එකෝමත් එක කාලෙක
සාගරය මැද මුතු ඇටයක්වන්
මනරම් දිවයිනක් විය........
තුන්වන ලෝකයේ දිළිඳු රටකි එය
එහෙත් හිටිහැටියේම එරටේ
ආශ්චර්යයක් ප්‍රාතුර්භූත විය
තිස් වසරක කුරිරු යුද්ධය නිමාවිය..........
හොරකම් මැරකම් ජඩකම් බලුකම්
මුලිනුපුටා දමන ලදී
මතට තිට නොව තිත් දාහක්ම විය
සියදිවි හානි කරගැනීමෙන්
ගබ්සා කිරීමෙන්-කලල විනාශයෙන්
ලොව අන්තිම රට බවට
හිටිහැටියේම පරිවතිතවිය
සියලු බොදු දනා අසපු වන්දනාවේ මහිමයෙන්
මෙලොවදීම නිර්වාණ සම්පත්තිය අත්කර ගත්හ
අහරින් රට ස්වයOපෝෂිත විය
සාගර පත්ලේ වූ තෙල් සම්පත මතුකොටගෙන
අරාබියටත් අපනයන කිරීමට පටන් ගැනිනි
වන හානි දුරුවී වහ වහා
නිවර්තන වැසි වන පැන නැඟින
ඉඳින්....එකී මෙකී නොකී
බොහෝමයක් දෑ සිදුවිය
රට සOවර්ධනයේ හිනිපෙත්තටම ලඟා විය
ඉක්බිති සියල්ලෝ තුටින් දිවි ගෙවූහ !!!
වියපත් මට විඩාවක් දැනිනි
මම සුරඟනා කතා පොත වසාදැමීමි…….
No comments:
Post a Comment